Friday, December 7, 2007

اوقات


أوقات بكون في العربية

بمشي ومش طايقة نفسي وبجري زي المجنونة

اوقات بكون في العربية مبسوطة وبغني

واوقات بكون مستعجلة وخايف اتأخر على موعد او اجتماع

في كل الاحوال مع ان عربيتي مش حاجة كبيرة

كلها عربية صغيرة بتمشي على اربع عجلات

مع انها بطلع عيني في الشتاء عشان المطر والبرد واوقات بتجيب جاز ومش بتعبرني وتفضل مكانها بس الحمد الله

عربيتي بسميها وبدلعها خضرا

هههههههههه اصل لونها اخضر

المهم يا جدعان وانا في كل الحالات دي مع عربيتي والي معاها وجواها بقضي اجمل واتعس الاوقات وبغني وانا جواها واعيط وازعق

اوقات بشوف ام كبيرة او حج كبير في الشارع تعبان وبيمشي

او ام بتمشي مع عيالها و العيال مطلعين عينها وشكلها تعبانة جدا ومش لاقية تاكسي او باص او اي حاجة

او بنت عادية بس في الشارع والدنيا مطر والناس مش سايبنها في حالها والشباب بيعلقو عليها والماية بطرطش عليها

في كل الحالات دي بيكون نفسي اركن العربية واخدهم معايا وواصلهم

بس بقول اكيد حيفكروني مجنونة

مفيش حد الايام دي بيعمل كدة

غير اني كمان لو عملت كدة الدنيا مابقاش فيها النية الطيبة ممكن الي انا زعلانة علي دة يكون مش كويس وازاي اركب حد معايا وانا مش عارفة

بس الشعور دة مش بيروح من جوايا

واوقات بحس بعد ما امشي واسيب الناس دي بتأنيب ضمير مش طبيعي

اعمل اي مش عارفة ؟

يمكن منكم بيقول دي عبيطة بس دي شخصيتي او جزء منها
الصورة الي فوق دي دي بجد عربيتي ودي ليمو
شكر خالص ل ناني على الصورة دي

18 comments:

اسكندراني اوي said...

كلنا كده عربيتنا البيت التاني
بنعمل فيها كل حاجه
جميله وحلوه لما تكون تمااام اما بقى لما تدي الوش التاني بتكون زفتتتتتتتتتتتتتت

هههههههههههههههههههههههه
اما احايسك في مساعده الناس دا شيئ جميل
ولكن ما انصحش بيه لانه سيساء تفسيره بالتاكيد

تحياتي

Lemonada said...

انت حتقولي
هو مش يساء وبس دة يستغل كمان
بس اقول اي
ربنا على المفتري :)

مدحت محمد said...

مين قال مجنونة
ومين قال محدش بيعمل كدة
ياليمونادة
والله انا معايا ناس
شغالة معايا
بيوصلو ناس وعادى يعنى
المهم الاجر
يعنى من الله
مش الاجرة لحسن تفهمى غلط
الناس يقولو اللى هما عايزين يقولوه
تحياتى

Lemonada said...

doha
ماينفعش انا مش في مصر
غير كدة الناس هنا مكشرة وممكن حد يزعق فيا
واوقات بكون مستعجلة
بس ماعلينا ححاول مرة واشوف حيحصل اي

zenzana said...

هاي ليمو

غير موقف العربية انتي ممكن تكوني بتعملي أفعال خير تانية ممكن يساء فهمها بتعمليه ومش بتفكري ف رد فعل الناس ولو فكرنا بمبدأ القياس في المنطق ممكن تعملي دا كمان مع موقف العربية ومتهتميش برأي الناس لكن كوني حريصة اعتقد حد زيك له خبراته ف استكشاف الناس بسرعة وهتقدري تمييزي بين الاشخاص مين اللي يصح تساعديه ومين لاء؟

موضوع الناس دا ملعبك شوية انا في حاجات مش بهتم تماما بالناس ممكن تفكر ازاي؟ لكن في حاجات بفكر فيها واخد بالي منها بما اننا مجتمع مظاهر واحيانا بيميل الي التزييف فا بحاول امسك العصايا م النص
تحياتي يا عثل

Lemonada said...

Zenzana
ازيك يا ري ري
المشكلة كل حاجة في الزمن دة يساء فهمو او يستغل
حتى مشاعر الحب ومشاعر العطف بقت تستغل بس على رأيك لازم نمسك العصاية من النص
ورقصني يا جدع
ههههههههههههههههه

Boba said...

انا عجبتني مداونتيك اوي

انا اسمي حبيبة و عمري عشرة سنوات

=)

Lemonada said...

boba
حبيبة
يا قمر انت عندك مدونة في العمر دة
يا خراشيي
نفسي ادخل جوة المدونة واحضنك
ما شاء الله عليكي
على فكرة دخلت مدونتك دي جميلة جدا
وبحب افلام الكرتون جدا
و خصوصا حياة حشرة
:)
والاسبوع دة رايحة اشوف بي موفي الي كاتبة عنو
يا رب دايما تزوريني
بجد فرحانة بيكي

سندباد said...

وانا بحترم الشخصية اللي من النوع ده
تحياتي

Searcher said...

عمر الإنسان ما بيقدر يرضى الناس كلها
و فى نفس الوقت ربنا مش بيطالبنا بإننا نعمل اللى ما نقدرش عليه
تحياتى

Nani said...

السلام عليكم
السيارة عبارة عن حيز او فقاعة امان
safe zone or bubble zone
بنعمل اللي بدنا اياه
بس انا بنصحك انك توقفي وتساعدي الناس يحكو مجنونة ولا انه ضميرك يأنبك لانك ما ساعدتيهم
سبحان الله احيانا بضيع بالطريق وبتعصب بعدين بلاقي ناس بحاجة لمساعدة بالطريق وبعرف انه الله خلاني اضيع لاجل مساعدتهم
ساعدي كل اللي بتشوفيهم لانه الدنيا كاس ودوار على الكل
شو اخبار الكركعة؟
:)

Anonymous said...
This comment has been removed by the author.
Anonymous said...

صباح الجمال كله

تدوينة كالعادة عفوية و جميلة
ليمو ساعدي الناس على قدر الإستطاعة وأزرعي على محياهم الفرحة حتى تغمرك أنت أيضا
فنور السعادة فرقه الله في صناديق أودعها في صدور البشر, كلما إبتسم أحدهم فرحا إنبثق خارجا فنال من حوله بصيصا من هذا النور
...

يعني طلعت إنت و ناني أصدقاء
غريبة ;)

تقبلي مروري و تحياتي

semsem said...

عيد سعيد

Lemonada said...

sebdbad
كل سنة وانت طيب
متشكرة جدا ويارب تحب شخصيتي لما تشوفني في الحقيقة انت وهنودة
=====================
searcher
صح كلامك بخصوص ان ربنا مش بحملنا اكثر مما نقدر بس برضو لازم نحاول نسعاد على قد مانقدر
تحياتي وشكرا للزيارة وكل سنة وانت طيب==================

ناني
انت حتقوليلي عن الصدف الي بتقابلك لما تمري من طريق انت ضايعة وا ازاي بتشوفني ناس ربنا بعتك ليهم عشان تسعديهم
انا منك تعلمت الحجات الطيبة دي بالزيادة
:)
======================

وانت طيب يا اطيب واجمل سندباد في الدنيا
ويا رب يكون عيد خير وفرح عليك
اتوحشنالك بزاف :)
=================
semsem
وانت طيب يا جميل

سندباد said...

كل سنة وانتي طيبة وعيد سعيد باذن الله
تحياتي

Ehab said...

بسيطه قوي
اديني العربيه وانزلي امشي معاهم

سلاااااااااااااااااام
برده كل سنه وانتي طيبه

Soooo said...

همممم
الحقيقه انا ماجيتش هنا قبل كده .. ووصلت لمدونتك عن طريق البوست اللي عاملاه ناني وبتقولك كل سنه وانتي طيبه
ومش عارف .. بس انا بصراحه دخلت على مدونتك وقريت كام بوست كده وحاسس بارتياح غريب

بجد والله مدونتك تحسي انها دافيه وقريبه من العقل

اول مره اجي .. بس ان شاء الله مش هتكون الاخيره

وكل سنه وانتي طيبه

كل اللي فات ده كان اولا

ثانيا بقى
في حاجه كانو بيعلموهانا في ورش السيناريو زمان بتقول أٌلفة الآله .. وضربو لينا امثله كتيره
زي مثلا شخص سواق على قطر ولما احيل للتقاعد حس ان القطر ده كان بيته او صديقه
زي واحد بيعزف على آله موسيقيه ولما اهملها وبقى بيشوفها بقى بيحن انه يمسكها ويعزف عليها
وزي الموضوع بتاعك ده .. انتي ارتحتي مع العربيه بتاعتك .. وده شعور طبيعي
لكن اللي انا بجد شايفه مش طبيعي .. هي طيبتك في انك بتفكري تعملي خير عن طريق انك تساعدي الناس وتوصليهم للمكان اللي رايحنلو بدل مايتغرقو في المطر
انتي طيبه قوي .. وشكلك جدعه كمان

اسيبك بقى وما اطولش في الرغي




سلاموووووووز