تحت ضوء القمر

كانت هنا

تمشي عبر الطرقات
وحيدة تحت ضوء القمر
من حولها الناس وفي قلبها الصدأ

لم تستطع ان تجد الحل
مع انها لم تستطع التوقف عن التفكير

لعل التفكير ليس بالضرورة هو الحل ليأتي معه الإجابة عن اسالتي قالت
......ما عسايا ان افعل

وحيدة تحت ضوء القمر ومن حولها الناس

كتابة وتصوير ليمو

اوقات

أوقات بكون في العربية

بمشي ومش طايقة نفسي وبجري زي المجنونة

اوقات بكون في العربية مبسوطة وبغني

واوقات بكون مستعجلة وخايف اتأخر على موعد او اجتماع

في كل الاحوال مع ان عربيتي مش حاجة كبيرة

كلها عربية صغيرة بتمشي على اربع عجلات

مع انها بطلع عيني في الشتاء عشان المطر والبرد واوقات بتجيب جاز ومش بتعبرني وتفضل مكانها بس الحمد الله

عربيتي بسميها وبدلعها خضرا

هههههههههه اصل لونها اخضر

المهم يا جدعان وانا في كل الحالات دي مع عربيتي والي معاها وجواها بقضي اجمل واتعس الاوقات وبغني وانا جواها واعيط وازعق

اوقات بشوف ام كبيرة او حج كبير في الشارع تعبان وبيمشي

او ام بتمشي مع عيالها و العيال مطلعين عينها وشكلها تعبانة جدا ومش لاقية تاكسي او باص او اي حاجة

او بنت عادية بس في الشارع والدنيا مطر والناس مش سايبنها في حالها والشباب بيعلقو عليها والماية بطرطش عليها

في كل الحالات دي بيكون نفسي اركن العربية واخدهم معايا وواصلهم

بس بقول اكيد حيفكروني مجنونة

مفيش حد الايام دي بيعمل كدة

غير اني كمان لو عملت كدة الدنيا مابقاش فيها النية الطيبة ممكن الي انا زعلانة علي دة يكون مش كويس وازاي اركب حد معايا وانا مش عارفة

بس الشعور دة مش بيروح من جوايا

واوقات بحس بعد ما امشي واسيب الناس دي بتأنيب ضمير مش طبيعي

اعمل اي مش عارفة ؟

يمكن منكم بيقول دي عبيطة بس دي شخصيتي او جزء منها

الصورة الي فوق دي دي بجد عربيتي ودي ليمو

شكر خالص ل ناني على الصورة دي

عاوز تعرفني

عاوز تعرفني

شوف كتاباتي

في مرة شخص عزيز عليا عرفني شخصيا بعد ما شاف كتاباتي وقالي : انت في الحقيقة زي ما بتكتبي مش بتفرقي خالص

حتى كلامك في الحقيقة هو نفس طريقة الكتابة

:)

اتبسط جدا مع اني اول مرة اعرف المعلومة دي

اصل في كثير ناس بتكتب بس لما تشوفها تستغرب وتقول معقول هم دول نفسهم

؟!؟

هو احنا مسلمين

تايهيين
مش عارفين
طب احنا موجوديين
حياة غريبة جدا
هو يا ترى احنا عايشيين
طب حنعرف امتى
هي غربة ولا اي
فين الحق وفين العدل
اهو احنا صابرين
بس مش واقفين
نايمين ..... لامتى نايميين
هو صلاح الدين لو شاف حالنا
كان حيتعرف بينا
هو احنا مسلمين

ربنا اعز الاسلام

ربنا اعز الاسلام

تأملات

قوس قزح

خارج من وسط الغيوم

بيشق طريقه من السما للأرض

كأنه بيقولك فكر شوية

اتأمل وشوف الجمال الي انت عايش في

وماتنساش نفسك في الحياة ومشاغلها

انت هنا عشان تعمر وتبني

مش تهدم وتقتل

انت هنا عشان تتعلم وتكبر ومهما اتعلمت لسة في ياما ماتعلمتوش

اتفكر في ملكوت الله

وماتنساش

انت هنا في الدنيا

يعني عليك دين لازم تنجزو قبل ما تطلع السما

افتكر وسبح ربنا

وماتخليش بس شهر رمضان هو شهر العبادة

دي السنة فيها 12 شهر

ماتكونش اناني وتقول اللهم نفسي

ربك الي خلقك وصنعك ماتنسهوش

ودايما خلي في القلب والروح والعقل

اذكر ربنا واستغفر كل يوم في السنة

العبادة مش بس شهر

وماتخدش كل حاجة كانها دايمة ليك

انت هنا بتأدي الدين ماتنساش

وقبل ماتموت ماتسبش عليك دين

دي الدنيا بتنسينا ياما

............

رمضان كريم على أمة الإسلام

ما الذي يحدث في شعور غريب

صعبتو عليا

مع اني كنت مش عاوزة اقولكم حاجة عن شعور غريب الا لما تكتمل

اولا سرمد وكريم كويسين

واميرة وصفاء

وكمان بيسألوني عنكم

هههههههههه

بقالي ليلتين بكتب

عارفين لما الإلهام ينزل مرة واحدة

بتكون اختي بتكلمني وانا بكتب ومركزة معاها

تقوم زعلانة

بس والله وانا بتكلم معاها مركزة في الرواية ومع كلامها

بس بسيب الرواية شوية واروح اتكلم مع اختي حبيبتي

في احداث مشوقة جدا ومش عارفة بتخرج من فين

مش حقدر اكتب حاجة

عشان عاوزاها تكون مفاجئة ليكم بس تخلص ان شاء الله

اتمنى انكم تحبوها لما تكتمل على خير

تحياتي ومودتي ليكم كلكم

ليمو

الحياة

شجرة خضراء

سماء زرقاء

بحر واسع

نهر طويل

فواكه ملونة

ازهار مختلفة

طويلة وقصيرة

كبيرة وصغيرة

فصول مختلفة

ونقول ان الحياة سوداء

كيف ؟!؟

موجودة مهما حصل

جو برد جدا

و السما مليانة غيوم باشكال مختلفة

ضباب في كل مكان

حبات الندى نازلة على اوراق الشجر الميت بكل حنية عشان ماتوقعكش اخر ورقة على الشجرة

الشمس بتنور وتخرج من خلف الجبال والبيوت شوية شوية

مش عايزة تزعج حد او تخوضو

بتحاول تثبت نفسها في الجو دا

انا الشمس موجودة مهما حصل

مش عارفة اقول اي

بكتب ومضايقة

مش عارفة اقول اي

مكسوفة من نفسي بس والله الموضوع مش بيدي



بس قبل ما اقول الي حقولو

تحية جامدة ل
محمد العزب
سندباد
sendbad
كراكيب عادل

مش عارفة اقولكم اي

اكثر حاجة مضايقاني انكم كنتم معايا من البداية وانت متابعين شعور غريب حتة حتة

غير انكم استحملتم اني بتأخر عليكم وخصوصا اني بغتت في النهاية وبعملها مشوقة

معلش

وعشان كدة اعلن ان حضرتكم الي احتليتُ المراكز الأولى في متابعة ودعم شعور غريب انا عامللكم حاجة مخصوص

بس الهدية حتكون مش دلوقتي بعد ما أخلص شعور غريب ان شاء الله

اكيد دة مش بيعني انو اصدقائي الي تابعوني في فترات متابعدة او متأخرين انا زعلانة منهم

والله كلكم بحبكم وبجد
وعارفة ان ظروف الشغل والحياة هي الي مش بتعطلكم عن متابعة المدونات

حبدء بذكر الاسماء بالترتيب حسب التعليقات الي كانت توصلني

تحية جامدة كمان ل

film 69 مع انه زارني مرة واحدة

صاحب البوابة

loumi مع انها كمان زارتني مرة واحدة

NANI

عبد الله خالد الي كمان زارني في قوس قزح مرة واحدة

الاستاذ محمد العشري الي مش حنسى ابدا انه متابعني

AL SHARED كمان متشكرة حتى لو كانت زيارة لمرة واحدة

حقي اهرتل مع ان مرة نزل عندي كلام غريب ومش فاهمة حاجة منو بس متشكرة

واكيد الاسكندرانية الجدعة وصديقتي واختي العزيزة هنودة

غمض عينيك مع ان عيني مفتحة جدا

في القلب الي مافيش اطيب من قلبها

واحمد سلامة واحلى مستر كوفي في العالم الي للأسف جاني على قوس قزح في وقت حرج



اولا

محدش يزعل مني

انا نفسي زعلانة

بس معلش انت حتتفهمو الموضوع

نعلن لكم النباء التالي



مدونة قوس قزح ستستمر.........ولكن ستتوقف عن نشر شعور غريب

اتمنى لكم حياة سعيدة

وادعو لي بالتوفيق في اكمال شعور غريب حتى تكتمل وتبقى حاجة جامدة تقروها وتستمتعو بيها مرة واحدة

بدل مانا ارفاكم وبتأخر عليكم في كتابتي لها



بجد ربنا مايحرمنيش منكم

تحياتي لكم من القلب
اتمنى ان تصل الى قلب كل واحد مر عليا في شعور غريب :)

شعور غريب 7

عارف يا سرمد

انا مجنون صحيح بس لسة في عقل بيشتغل

بنفض اوقات
بعيش مع نفسي

بس دة ما يمنعش اني بفكر في عقلي ودة يمكن الي تاعبني في حياتي هنا

اصل الناس مش بتفكر هنا في حاجة
واخدة الحياة طناش خااااااااالص

لاء يا كريم

انت تشاؤمي لي كدة
اهو انا قدامك متخرج بقالي سنين
وطول حياتي عايش هنا في الجو والقرف دة
ومش لاقي شغل
بس بحاول على قد ماقدر اشوف اي حاجة
الشغل مش عيب

والواحد لازم يبني بلدة ومش يسبها ويروح يهاجر

مهما كانت الظروف

دي بلدنا يا كريم

شوف نفسك انت

طول حياتك في بلاد الخليج

بس لما عزت تتعلم

رجعت بلدك

الي ملوش خير في بلده ملوش خير في اي حاجة ثانية

يعني مايصحش تعمم كدة على كل الناس الي هنا

عندنا ناس كويسين

بس للأسف يمكن الكويس مش ببان من كثر ما الناس البايزة عددها اكثر

على العموم انا النهاردة بعد الشغل خارج مع صحاب ليا

حعرفك عليهم وحتشوف الناس الكويسة

****************

ييييييييييييييييييييياه

يالهوي

بص الست الي واقفة على باب المحل دي هي صاحبت المحل

حتلم الشارع علينا دلوقتي

..........................

انت يا زفت يا سرمد

مليون مرة قلتلك ماتتأخرش على الشغل

دة بيتكم خطويتين من هنا

ولا حضرتك كنت سهران طول الليل وصايع جاي هنا مش مركز

ومين العيل دة الي جمبك

يا ست نرجس دة صاحبي الي قلتلك علي

كريم

لسة في الجامعة

بس حيشتغل معانا في الجالري

انت عارفة احنا في الصيف السياح عددهم كبير

ومحتاجين حد يساعدنا

طب يلا يلا

حتة عيال تشتغل عندنا

حنشوف

ادخل يابني

من اليوم الأول وجاي متأخر

اسمع يا واد

تيجي الصبح كل يوم بدري، وممنوع بنات مزز وحجات كدة وصياعة في المحل

كمان مفيش تقفل المحل وهو زبالة

تنضف كل حاجة وترجعها مكانها

وبششششششويش

مش عايزة اشوف كرستال مكسور

وإلا حيتخصم من مرتبك
؟!ماشي

و ياريت بلاش القميص المفتوح دة

صحيح انت شب جميل بس يعني ماينفعش تشتغل في مكان محترم زي دة وقميصك مفتوح كدة

اي دة

عيال آخر زمن

يلا انا خارجة دلوقتي

مش حوصيك يا سرمد

خد بالك من الجالري

وبقاولك اهو من دلوقتي

اي حاجة تحصل منك او من العيل دة انت مسؤول عنها

ماشي يا واد

يلا بقى اخدت من وقتي كثير

..................

اي دة يا عم

ربنا يكون في عونك

دي الي بتشتغل عندها
اي الست الأروبة دي

واسمها نرجس

دا النرجس حيموت لما يعرف ان في وحدة شكلها مكعبر كدة واسم نرجس

شعور غريب 6

عارف يا سرمد مع اني مش بحب التحف والحجات دي

حشتغل

المهم اشتغل

يا عم الجو مقرف

والصيف...... البنات مش بترحم خالص

لازم اعمل حاجة مفيدة لنفسي

لو مشتغلتش

حصيع زي كل سنة

وانا بصراحة قرفت من الموضوع دة

والبنت تفضل لازقة ولا عندها اي مشاكل انك بتصدها

تقرفك

وكمان الشباب

حاجة يا عم اي دة

يجو بس عشان يتسلو ويقرفوك ويستغلو طيبتك

كل الي عاوزينو هدوم وفلوس

عارف حاجة

انا مامتي حتتجنن

كل مرة تيجي مش بتلاقي الهدوم في الدولاب

تسئلني رحت فين فيهم

اقولها فلان اخدهم بس حيرجعهم

تشخط فيا وتزعق

بس عارف كلامها كل صح

مفيش حد برجع حاجة

يلا يا عم انا متأسف قرفت معايا

---------------------

بكرة الصبح الساعة سابعة بالتمام نلتقي عند شعبولا المكوجي

تكون جاهز

ماينفعش نتأخر يا كريم، دا مكان الزباين متعودين يلاقو مفتوح في أوقات معينة

ماشي يا كريم

ماشي يا سرمد

--------------

الساعة السابعة بالتمام

صوت خارج من البلكونة

يا شعبولا يلا بقى فين القميص المربعات الازرق والابيض

بسرعة والنبي انت بتعمل اي كل دة

من تحت البلكونة صوت عالي بينده

يا كريم اي المواعيد دي

يلا بقى الست المجنونة صاحبة المحل لو ملاقتنش فاتحين حتعمل يومنا طينة

ينزل كريم بسرعة على الدرج ويأخذ القميص من شعبولا

خلاص يا عم متشكر

يخرب عقلك انت نازل تلبس القميص في نص الشارع

يا مجنون يا كريم

يلا بقى

شعور غريب 5

دخلت الفندق

لم تفعل شئ ولم تتأمل في الفندق شئ

كانت في استعجال كبير لتصل الى الغرفة

اخذت المفتاح بسرعة

انتظرت حتى يتم احضار الحقائب

وفورا نزلت مسرعة الى الشارع

كما لو انها على موعد مع شخص ولا تريد التأخر عليه

حتى لا تضيع أي دقيقة

تمشي من شارع لشارع

تبحث عن المطعم الذي رأته حتى تاكل وتكمل طريقها

اضاعت الطريق

والسبب انها عندما تقف أميرة وتسأل

لو سمحت هو المحل المعروف بتاع الفاست فود فين

يرد الأخ المحترم الي في شارع :

يمين

ترجع تسأل وهي بنفس الشارع

لو سمحت بتاع الفاست فود فين

يرد الأخ المحترم الثاني

شمال

وكدة لحد مابعدت عن الفندق وبقت مش عارفة هي فين

اي البلد دي هو مفيش حد يقول ما بعرفش كلو لازم يقول اي حاجة حتى لو مش عارف المكان؟!؟

حاجة غريبة

مشيت مشيت

والجو حررررر جدا

بدأت تفتكر الطريق الي تأملتها وهي في الحافلة

افتكرتك بعض المحلات وقالت

مش حرجع واسأل حد محترم من الي في شارع انا حعرف الطريق لوحدي

ومشيت ومشيييت

فجاءة وقفت شوية ملقتش اختها

يا لهوي يا لهوي

يا لهوي

اختك فين يا اميرة

دي لو ضاعت مشكلة

اتفرجت وراها لاقت اختها بتندهلها

اميرة تعالي شوفي في دا شكلو عند حجات جميلة

جميلة اي يا صفاء انا جعععانة وانت اكثر مني

تعالي بلاش هبل ندور على الفاست فود الزفت دة

بس شوية والنبي يا اميرة عشاني

ماشي يا مدلعة انت

يلا في اي

كانت عمارة كبيرة وفي نهاية العمارة باب محل نازل تحت الشارع زي مايكون تسوية

ويافطة كبيرة بتقولك انزل لتحت

الدرج لولبي تنزل في تلاقي محل الواجهة زجاج

مليان تحف ولوحات وكريستال

يتبع في الايام القادمة

شعور غريب 4

قرر بعد ما رآه في الجامعة ان يبحث عن عمل، قبل ان ينجرف نحو الهاوية، كما انجرف الذين من قبله

حاول التأقلم مع الوضع وتجربة الحياة بطريقة شباب بلده

لكنه لم يجد فيها اللذه او الطموح الذي يرجوه

بحث كثيرا

وهو يعرف انه لن يجد عملاً ولكنه حاول ولم يتراجع

اذ ان المتخرجين من الجامعات لم يجدو ولن يجدو عملاً،فكيف الحال معه هو الذي لم ينهي جامعته بعد.؟

في إحدى الليالي وهو يتمشى متوجها الى المنزل، يفكر في حياته، في أهله البعدين عنه.. هل يترك الدراسة ويرجع الى اهله

هل يترك وطنه ويذهب يدرس في مكان آخر

هل يخذل اهله ويقول لهم لم استطع التأقلم، كيف يتراجع بعد كل الذي فعله اهله له من تعليم و غربة لتأمين الحياة الأفضل له

كيف يترك وماذا يفعل.... أسئلة كثيرة تدور في عقله

فجاءة ... توقف ونظر

اين انا

ضاع في طريقة الى البيت

ضرب بقدمه على الارض وهو في حالة غضب شديدة

يادي البلد الي الواحد مش عارف بيتُ فين

كل يوم على دا الحال

حاجة مقرفة

امتى اروح من غير ما اضيع واسأل نص البلد عن بيتي

هههههه

والله مسخرة

توقف بجانبه شاب وقال له

عفواً هو انت بتكلم نفسك

أجاب كريم

معلش بس مش عارف بيتي فين

هو انا فين الضبط

ابتسم الشاب وقال

هو انت مصري بس شكلك ضايع ، انت واخد حاجة؟

كريم:

حاجة اي يا عم

اعوذ بالله

انا مركز بس ضايع وانا صاحي

سأله الشاب

عاوز تروح فين

كريم

انا ساكن جمب المكوجي شعبلا الي جمب قهوة العاطلين عن العمل

عرفتو قال الشاب

امشي معايا دا قريب من بيتنا
هو انت اسمك اي سأله كريم

اسمي سرمد

وانت يا ضايع وانت صاحي

كريم

تشرفنا يا باشا

ضحك الاثنان وكان الحديث مطولا كما لو انهم اصدقاء منذ الطفولة وبعد غربة طويلة من السنوات التقو في النهاية

إلا قولي هو انت بتشتغل

ايوه اجابه سرمد

طب ممكن اشتغل معاك ، سأله كريم

ضحك سرمد

يا عم هو انت لسة مش عارف انا بشتغل اي وعاوز تشتغل

ماشي يا عم

انا بشتغل في جالري ببيع تحف شرقية ولوحات وكريستالات

يتبع في ايام الصداقة القادمة

شعور غريب 3

خرجت من باب المطار واذ بها ترى نور ساطع في وجهاها يمنع من رؤيتها، تتفاجئ عندما يفتح الباب بكم هائل من الاشخاص المنتظرين اقاربهم واصدقائهم والمتدافعين بكميات لم ترى مثلها على الباب الرئيسي للاستقبال.
تمسك بيد اختها حتى تصل الى باص شركة السياحة والتي ستقلهما الى الفندق، ينطلق الباص في طريقه، طريق المطار كبيرة وجميلة

ونظيفة، همم تفكر في داخلها : ليس كما وصف لي انها جميلة ونظيفة، صحيح انها ليست كبلدي ولكنها ليست كما عنها.
تتأمل الطريق وتحفظه، وفجاءة....
يتوقف الباص... تحزن لانها تريد مشاهدة المزيد>

لحسن الحظ توقف الباص حتى ينزل المجموعة الاولى من السياح في الفندق و والذي جعلها سعيدة اكثر انها علمت بان مكان الفندق الذي ستنزل به هو آخر فندق سوف تتوقف به الحافلة.

عادت الى عالمها براحة، تستمع الى اصوات الباعة، تعيش مع تقاطيع وتفاصيل وجوه الشعب، تحاول ان تفهم هذه التركيبة العجيبة من التجاعيد والعيون اللوزية الجميلة المتلئلئة والتي لا يدركون اصحابها مدى تميزهم بها، سمار البشرة مع نزول العرق عليها بطريقة موسيقة متناغمة، شفاه غليظة مرسومة بطريقة فنية عالية متلائمة مع الانف والوجه تبعث في روحها الشوق الزائد لمن لا تعرفهم ولكنهم في داخلها.

تستغرب لحالهم وتعاستهم، مع انهم يضحكون، ؟!
شر البلية ما يضحك كما يقال تحدث نفسها.

الحب في كل مكان في النهار، في الليل في اوقات العمل في الحافلات في الشوارع في المدارس حتى في اوقات الحر الشديد وازمة المال والعمل وقلة الحيلة وعدم المقدرة على تامين الطعام والراحة للشخص الواحد نفسه فكيف ذلك مع وجود العائلة و زيادة المسؤوليات... كأن هواء ونسيم هذا الوطن مخدر يعمل على نشر كل هذا الحب .

ايدي متشابكة في كل مكان وعيون مليئة بالشوق والحنان، منه نفاق ومنه التسلية، منه الحقيقة ومنه محاولة للخروج من واقع الحياة الأليم.

ترفع رأسها الى السماء فلا ترى السماء الزرقاء التي أعتادت ان تتأملها في بلدها الحبيب ،إذ كانت لعبتها المفضلة ان ترسم و تتخيل اشكالا في الغيوم او ان يأخذها خيالها بزرقة السماء الواسعة الصافية الى بحر لا نهاية له,,, ولكن لم ترى إلا سماء بنية معبئة بالغبار والتلوث، آلمها هذا المنظر واول ما تصورته انه اذا قررت ان تعيش في هذه البلاد الشئ الوحيد الذي سوف تشتاق اليه في بلدها هو صفاء السماء وزرقتها وزقزقة العصافير في الصباح الباكر.

أميرة يا أميرة.....تنادي اختها عليها هيا وصلنا الفندق يلا قومي بقالي ساعة بنده عليكي، انا حوئع من الجوع عاوزة آكل في الطريق شفت مكان فاست فود يلا نحط الشنط وننزل نشتري اكل.

شعور غريب -2

وحيد في غربة …
هذا هو شعوره مع انه في وطنه
وطنه الذي كان يزوره في فترة عطلته الصيفية … كان يودع اصدقاءه ويتوجه الى وطنه الحبيب
كان يعلم ان وطنه سيستقبله بكل حب وخصوصا انها السنة التي سيذهب الى وطنه ليتعرف عليه بطريقة اخرى
يتعرف على الواقع الحقيقي، 4 سنوات سوف يعيش في بلده والتي توفر التعليم المجاني لابناءها…!

دخل الجامعة في تخصص لا يريده، هذه بداية الصدمات لديه
ولكنه لم يكن بيده شئ، دخل التخصص ، درس و اجتهد ….. مع انه لم يرى احد من زملائه يهتم بذلك، كان الجميع جاءو الى الجامعة للتعرف ، لاضاعة الوقت والتسلية، واشياء اخرى كلنا او الكثير منا يعرفها

لم ينجح في السنة الاولى وهذه الصدمة الثانية وهكذا بدا يتعرف على وطنه بطريقة اخرى، مغايرة عن ما كان يعرفه في زيارات الصيف.
اراد ان يعرف سبب رسوبه في السنه الاولى، لم يعد يتفاجىء ولكن يجب ان يعرف السبب لكي يعرف اسلوب النجاح اذ انه بدا يفكر كيف يستطيع انهاء الدراسة باسرع وقت لانه لا يريد اكتشاف واقع بلاده الحقيقية .. وكان السبب في الرسوب هو ان الجامعة وخصوصا تخصصه يقبل اعداد كبيرة من الطلاب مما يؤدي الى عدم قدرة دكتور الجامعة من تدقيق جميع اوراق الامتحان، فيكون التصحيح بطريقة عشوائية وعند كمية معينة من الورق يكون دكتور المادة قد نفذ صبره فيقوم بوضع العلامات حسب المزاج.

همممم، جيد …. ممتاز، يلا الفخر والله الاجيال الي بتطلح اجيال بترفع الراس وبقولو ليش هيك البلد، لا عجب ان لا احد يدرس ويجتهد فالحال واحد وكله حسب مزاج حضرة الدكتور (يتحدث مع نفسه

بدا يتاقلم مع جو الحياة، الكثير من الطلبة احبوه، كان جميل ظريف و يعيش لوحده مما جعل الكثير يتقرب لديه
شاب يعيش لوحده طيب القلب كان يعطي ملابسه لاصدقاءه على امل ان يرجعو له ما قد اخذ منه.


ولكن من الصدمات الجديدة، ليست صدمة،،، لنقل من التعاليم الجديدة التي عرفها عن وطنه ان ابناء الشعب يتقربون من الطالب الجديد الذي كان يعيش خارج البلاد ، اذ اهله يرسلون المال ليعيش ويؤمنون مسكن له لوحده، لديه ملابس مختلفة وجديدة . كل ذلك يجعله متميز عن اصدقاءه ،

اصدقائه ، هل من الممكن ان اعتبرهم اصدقاء يقول في نفسه، انهم يستغلونني و يتقربون لي لمصالهم الشخصية وليس لسخصي انا.
كل ما املك هو الصبر وان امشي مع التيار الى ان اتخرج.
مع مرور الوقت لا بد ان اجد اصدقاء حقيقين، لا يمكن ان لا يكون هنالك شئ حقيقي صادق في بلدي، بلدي التي تتكلم عنها جميع الشعوب ومعروفة منذ زمن بعيد بالنضال والتصدي للمصاعب.

شعور غريب

لم تعرف النوم طوال الليل، كأنها تنتظر حبيبها بفارغ الصبر ولكن توقفت عن التفكير لوهلة.... كيف لها أن تكون غارقة في كل هذه المشاعر وهي لا تعرف أي سخص في تلك البلاد حتى أن هذه زيارتها الأولى لهذه البلاد.

لم تمضي دقيقة على نومها وإذ بالمنبه يرن ليوقظها الى الحقيقة .. ينادي الوالد هيا يجب ان نكون في المطار قبل بثلاثة ساعات ففي هذا الوقت من السنة- فترة العيد- يكون الجميع في المطار والازدحام شديد.

تهرول وهي في غاية الدهشة كأنها لا زالت نائمة، لا تعرف اذ كانت هذه حقيقة أم انها لا زالت نائمة..

طريق المطار طويلة جدا بالنسبة لها قلبها ومشاعرها متخبطة
تصل المطار وتنهي أوراقها ، تجلس بجوار أختها ولكن تحس في نفسها انها في مكان آخر خاص بها فقط
اخيرا النداء الأخير لاقلاع الطائرة .
لم تغمض عينها في الطائرة ثانية واحدة ، تراقب بكل تفصيل كل سحابة كل بيت ، نهر او بحر تراه لعلها تحفظ الطريق المؤدية للعالم الجديد المتوجهة له . ففي قلبها شئ يجعلها بهذه الدقة والملاحظة مع انها لا تهتم ولم تهتم ابدا بالتفاصيل المعقدة .

قلبها يدق يدق يدق بشدة لا يمكن وصفها كانه انفجار كبير او وحش جائع يحاول ان يصعد على أعلى واضخم جبل ويصل اليه ويقوم بتكسيره لعله يجد داخله شيء يخفف عليه جوعه.

تنزل على سلالم الطائرة بهدوء تستنشق الهواء وتتأمل السماء مع انها ليست صافية ولكنها بالنسبة لها اجمل هواء استنشقته وسماء رئتها
كانها كانت هنا عاشت وتربت، كانها كانت تعيش في عالم لا علاقة لها فيه لكن ولدت وعاشت فيه وشاءت الأقدار ان تسافر لتعرف المكان الصحيح الذي تنتمي اليه...

يتبع في أيام العمر القادمة