Thursday, September 11, 2008

تاثير اللحن على الحياة


بتمشى بين المدونات

بحاول اشوف الاصحاب والغرباء والناس بشكل عام كاتبه اي

ومن خلال معرفتي لبعض الاشخاص اكتشفت حاجة

كل واحد فينا بيعبر عن نفسه مش بس في الكتابة

في الاغنية الي بنزلها على المدونة بتاعته

وكل مدونة ليها حالة خاصة

وفي بعض الاوقات عشان غالبا في اكثر من مدونة لشخص واحد كل مدونة لشخص واحد

بتعبر عن حالة خاصة بالشخص ده

وما اكثر الحالات الشخص الواحد فينا بيمر بيها

وبس تعليق صغير من اكثر المدونات الي بحب ادخلها وبكون مستمتعة وانا بشوف كاتبين فيها ايه مع الاغنية الي نازلة في المدونة ومش بحس بملل من الاغنية الي بتفضل تتكرر هم


غريبة ازاي اللحن والموسيقى جزء مرتبط بينا وبحياتنا وبطبيعتنا وانها لغة كل الناس بتفهما

تحياتي للجميع

4 comments:

Rain_Drops said...

الغريب أكتر لما الأغاني تبقى مرتبطة بفترة كاملة من حياتنا ، أنا قاعد دلوقتي أسمع أغاني مارك أنتوني اللي كنت بسمعها في أواخر التسعينات و أنا في ثانوية عامة ، و قبلها كنت بسمع أغاني علاء عبد الخالق اللي كنت بسمعها و أنا طفل ، الأغاني بتنقلني للزمن دا نفسه كإني لسه ماكبرتش

أحمد سلامــة said...

اما كنت متابع زمان كنت لازم اخد بالي جدا
واحيانا كنت اسمع الاميوزك او الغنوة قبل البوست كمان
اييه
ايااااام

فينك :)

dandana said...

الموسيقى طريقة للحياة
مش مجرد حاجة بتسمعيها وتعدى كدا


زى اغنية انغام دى...من ارقى الحاجات اللى سمعتها من مدة طوووويلة اوى

Hannoda said...

فعلا فيه مدونات بتاخدني من بين صفحات كتير لناس كتير فاتحاها و مستنية أمر عليهم بالدور و ده بيكون بسبب الاغنية
وبندمج و أبكي

واحشاني يا ليمو قوي و حساكي زعلانة مني

بس انت على طول على بالي

بجد مفتقداكي