بكتب ومضايقة
مش عارفة اقول اي
مكسوفة من نفسي بس والله الموضوع مش بيدي
بس قبل ما اقول الي حقولو
تحية جامدة ل
محمد العزب
سندباد
sendbad
كراكيب عادل
مش عارفة اقولكم اي
اكثر حاجة مضايقاني انكم كنتم معايا من البداية وانت متابعين شعور غريب حتة حتة
غير انكم استحملتم اني بتأخر عليكم وخصوصا اني بغتت في النهاية وبعملها مشوقة
معلش
وعشان كدة اعلن ان حضرتكم الي احتليتُ المراكز الأولى في متابعة ودعم شعور غريب انا عامللكم حاجة مخصوص
بس الهدية حتكون مش دلوقتي بعد ما أخلص شعور غريب ان شاء الله
اكيد دة مش بيعني انو اصدقائي الي تابعوني في فترات متابعدة او متأخرين انا زعلانة منهم
والله كلكم بحبكم وبجد
وعارفة ان ظروف الشغل والحياة هي الي مش بتعطلكم عن متابعة المدونات
حبدء بذكر الاسماء بالترتيب حسب التعليقات الي كانت توصلني
تحية جامدة كمان ل
film 69 مع انه زارني مرة واحدة
صاحب البوابة
loumi مع انها كمان زارتني مرة واحدة
NANI
عبد الله خالد الي كمان زارني في قوس قزح مرة واحدة
الاستاذ محمد العشري الي مش حنسى ابدا انه متابعني
AL SHARED كمان متشكرة حتى لو كانت زيارة لمرة واحدة
حقي اهرتل مع ان مرة نزل عندي كلام غريب ومش فاهمة حاجة منو بس متشكرة
واكيد الاسكندرانية الجدعة وصديقتي واختي العزيزة هنودة
غمض عينيك مع ان عيني مفتحة جدا
في القلب الي مافيش اطيب من قلبها
واحمد سلامة واحلى مستر كوفي في العالم الي للأسف جاني على قوس قزح في وقت حرج
اولا
محدش يزعل مني
انا نفسي زعلانة
بس معلش انت حتتفهمو الموضوع
نعلن لكم النباء التالي
مدونة قوس قزح ستستمر.........ولكن ستتوقف عن نشر شعور غريب
اتمنى لكم حياة سعيدة
وادعو لي بالتوفيق في اكمال شعور غريب حتى تكتمل وتبقى حاجة جامدة تقروها وتستمتعو بيها مرة واحدة
بدل مانا ارفاكم وبتأخر عليكم في كتابتي لها
بجد ربنا مايحرمنيش منكم
تحياتي لكم من القلب
اتمنى ان تصل الى قلب كل واحد مر عليا في شعور غريب :)
20 comments:
نعنشة
مالك بس ياعم ايه الشعور الغريب اللي انا حاسس بيه ده
:)
دا مش جو نعنشة خالص
كملي شعور غريب براحتك واحنا مستنييين على باب المدونة
تقبلي خالص تحياتي
محمد سمير
محمد
مش عارفة والله هو بجد انا بقالي يومين عندي شعور غريب
مش عارفة يمكن عشان مصر واحشاني موووت
ولما توحشني وبشوف كل الناس نازلة مصر بكون مخنوقة
فالموووود بكون زفت
بس متشكرة خالص على كلامك الجميل
بس شعور غريب حيكمل ان شاء الله بس مش على المدونة
تحياتي
هايل يا ليمو
كملي شعور غريب
واكتبي هنا شعورك انتي اللي هو أكيد مش غريب
كده يبقى نجيب من الاول
انا مش عارف كمية الاعتذارات دي كلها ليه ؟
اكتبي براحتك ووقت ما تحبي
المهم متجبريش نفسك على الكتابة ايا كانت الاسباب
وميرسي على المجاملة اللي اتفاجأت بيها لاني ماستحقهاش طبعا
سلامي ليكي
اكتبي لما تحسي انك عايزة تكتبي
وتسلمي علي التحية يا احلي ليمونادة
منتظرينك وبراحتك خالص خالص
انتي الي شعورك مش غريب علينا
وعرفناة كلنا وبنشكرك علية
عارف يا محمد
انا متشكرة على تشجيعك الدائم ليا
هو بصراحة بقالي يومين كدة عندي شعور غريب
بيجيني كل فترة ومش بعرف معناه اي
هو موجود دايما بس فجاءة بيطلع وبكون مش مبسوطة
حكتب عنو
سلام يا جميل
احمد سلامة
عارف والله الي مضايقني انك جيت وانا حوقف شعور غريب
بس اتمنى انك شوفت شعور غريب من البداية
وان شاء الله لما تخلص وتبقى حاجة على ورق حبعتلك واحدة اهداء
عيش يا عم
عادل
عارف انا بحب التصوير جدااااااااا
وبحب اخد الحياة بصورة معينة واصورها بطريقتي
يمكن دة باين من كتاباتي جدا
صوري شبه كتاباتي
اكيد انت حسيت بدة عشان كدة مكانش عندك شعور غريب وانت متابعني
ههههه
حركات الكاميرة الخفية مش ماشية معانا
حنعتبر البوست هو شعور غريب 8..فاصل إعلاني
وبنتظر شعور غريب 9 وفيه شعبولا وقد إستولى على البطولة ههههه
ليمو أنا بأمزح معاك الكتابة مش بالعافية وخليك لغاية المزاج يروق
متشكر علي كلامك الرقيق يا جميل
إحنا اللي مفروض نشكرك على حرصك على تقديم مواد شيقة على صفحاتك
كل التوفيق والأمنيات الحالمة لك
سندباد
انا لما اروح مصر حتصور مع شعبولا واهديك الصورة واخلي يوقع عليها اهداء خاص لسندباد اي رايك
يا بختك يا شعبولا سندباد مش بينساك ابدا وعاوزاك دايما في الصدارة
السلام عليكم
جرى ايه يا نعنشة مافيهاش حاجة لو استنينا
عاوزة الجد انا مبحطش من الصور الي بعملها على انترنت علشان محدش يخدها لحد ماعرف ازاي اقدر احميها ببرنامج او اني اكتب عليها اسمي
انا بنصحك تنشري الي كتبتيه او الي عايزة تكتبيه منه حفظ حقوق الناشر ومنه تدخلي عالم الكتّاب ويمكن تبقي روائية قد الدنيا وقتها اقدر اقول اني عرفتك من زمان - ويمكن اجي استلف منك شنطة ولا فستان - سلام يا نعنشة : )
رغم افتقادنا للشعور الغريب انما منتظرين ما هو افضل اوروع كعادتك دائما
تحياتي
ناني يا ناني
يا حلوة وعجباني
مش عارفة مالي
بس الاغنية دي خطرت على بالي
ههههههه
من تأليفي
متشكرة يا سكرة
وحبقى افتكرك لما ابقى مشهورة
sendbad
مش عارفة اقولك اي
بس بجد كلامك جميل جدا
على فكرة لازم تاخد التاج من ليموناضة
تحياتي
ليمونادا يا قمر
ده أنتى ألى أطيب قلب فى الدنيا
وعندك وفاء عميق من أقل شئ أشكر عالم التدوين ألى عرفنى على أطيب قلب وديما فيه تواصل على طول يا قمر
في القلب
متشكرة جدا والله مش عارفة اقولك اي
متشكرة لعالم التدوين الي خالاني اعرف ناس فهماني ومقدراني
والله دة عالم مافيش زيو
تحياتي القلبية دائما
مستنياك يا جميل ولو ان سرمد و كريم حايوحشوني.. لكن مادام انت رشتيني بالتحية يبقى خلاص
:))
مش عارفة مالك لكن براحتك تماما .. الكتابة بالذات محتاجة مود معين .. لازم نسيبها براحتها تماما .. بس المهم ما تزعليش يا جلاكسي
:)
يالله يا ليمو
بلاش كسللللللللللللللل
عايزين ليمو عايزين ليمو عايزين ليمو
ده هتاف الجمهور فى المدرجات
عشان تطل عليهم يا جميل
هنودة
معلش اصلي بدور على سرمد وكريم
ههههههه
مش زعلانة يا جميل
طب شوفي عندك في اسكندرية يمكن تلاقيهم
________________________
مستر كوفي
ازيك يا عم
عارف بجد كسل مش كدة
اديني نزلت بوست خفيف لطيف
اتمنى انو يعجبك
____________________
في القلب
اي يا جميلة الهوليلة دي
بس دة اي مدرج
لو سمحت تحديدي الموقع عشان اجي
ههههههههههه
Post a Comment