عارف يا سرمد
انا مجنون صحيح بس لسة في عقل بيشتغل
بنفض اوقات
بعيش مع نفسي
بس دة ما يمنعش اني بفكر في عقلي ودة يمكن الي تاعبني في حياتي هنا
اصل الناس مش بتفكر هنا في حاجة
واخدة الحياة طناش خااااااااالص
لاء يا كريم
انت تشاؤمي لي كدة
اهو انا قدامك متخرج بقالي سنين
وطول حياتي عايش هنا في الجو والقرف دة
ومش لاقي شغل
بس بحاول على قد ماقدر اشوف اي حاجة
الشغل مش عيب
والواحد لازم يبني بلدة ومش يسبها ويروح يهاجر
مهما كانت الظروف
دي بلدنا يا كريم
شوف نفسك انت
طول حياتك في بلاد الخليج
بس لما عزت تتعلم
رجعت بلدك
الي ملوش خير في بلده ملوش خير في اي حاجة ثانية
يعني مايصحش تعمم كدة على كل الناس الي هنا
عندنا ناس كويسين
بس للأسف يمكن الكويس مش ببان من كثر ما الناس البايزة عددها اكثر
على العموم انا النهاردة بعد الشغل خارج مع صحاب ليا
حعرفك عليهم وحتشوف الناس الكويسة
****************
ييييييييييييييييييييياه
يالهوي
بص الست الي واقفة على باب المحل دي هي صاحبت المحل
حتلم الشارع علينا دلوقتي
..........................
انت يا زفت يا سرمد
مليون مرة قلتلك ماتتأخرش على الشغل
دة بيتكم خطويتين من هنا
ولا حضرتك كنت سهران طول الليل وصايع جاي هنا مش مركز
ومين العيل دة الي جمبك
يا ست نرجس دة صاحبي الي قلتلك علي
كريم
لسة في الجامعة
بس حيشتغل معانا في الجالري
انت عارفة احنا في الصيف السياح عددهم كبير
ومحتاجين حد يساعدنا
طب يلا يلا
حتة عيال تشتغل عندنا
حنشوف
ادخل يابني
من اليوم الأول وجاي متأخر
اسمع يا واد
تيجي الصبح كل يوم بدري، وممنوع بنات مزز وحجات كدة وصياعة في المحل
كمان مفيش تقفل المحل وهو زبالة
تنضف كل حاجة وترجعها مكانها
وبششششششويش
مش عايزة اشوف كرستال مكسور
وإلا حيتخصم من مرتبك
؟!ماشي
؟!ماشي
و ياريت بلاش القميص المفتوح دة
صحيح انت شب جميل بس يعني ماينفعش تشتغل في مكان محترم زي دة وقميصك مفتوح كدة
اي دة
عيال آخر زمن
يلا انا خارجة دلوقتي
مش حوصيك يا سرمد
خد بالك من الجالري
وبقاولك اهو من دلوقتي
اي حاجة تحصل منك او من العيل دة انت مسؤول عنها
ماشي يا واد
يلا بقى اخدت من وقتي كثير
..................
اي دة يا عم
ربنا يكون في عونك
دي الي بتشتغل عندها
اي الست الأروبة دي
اي الست الأروبة دي
واسمها نرجس
دا النرجس حيموت لما يعرف ان في وحدة شكلها مكعبر كدة واسم نرجس
15 comments:
جميل يا ليمو
بس حلوة الست نرجس دي
قرشانة بجد
جميل
انا مجنون صحيح بس لسة في عقل بيشتغل
دا إحساسي بالظبط يا ليومونادا
..
فين شعبولا؟؟؟
وااع
متابع
تحياتي ياعزيزتي
محمد يا عزب
منورني زي دايما
واي رايك في نرجس
ترقب الجديد من الست نرجس دي
دي لوحدها حكاية
خليك متابع
سندباد
احساسك في اي
في الحياة
دي كدة مشكلة
هههه
بعدين بلاش شعبولا
سيبك منو
حيرجع متقلقش
اصل لابد قدام بيت كريم طول اليوم
حيكون لي اجزاء من هنا وهنا
====================
sendbad
انت اي حكايتك انت وسندباد
كل مرة تيجو مع بعض والتعليق بتاعكم بكون ورا بعض
طب وبعد ما تابعني
وبعدين
قول حاجة
عاجبك مش عاجبك
قول اي حاجة
بساطة ما بعدها بساطة وسرد هايل
وكاني في حد بيكلمني وبياخد رأيي تعرفي انتي تنفعي تكتبي قصص افلام لان الي شايفة دة مشاهد مش كلام
انا مجنون صحيح بس لسة في عقل بيشتغل
عادل
ربنا يخليك
يلا بقى كان نفسي ولسة نفسي اكون ممثلة بس الدنيا مش مخليانا ابقى كدة
اكون سيناريست بقى
ههههه
والله انت جميل
وبعدين اي حكايت المقطع بتاع
انا مجنون صحيح بس لسة في عقل بيشتغل
عجباك وعاجب سندباد
وشكل عاجب ناس كثير
طب الحمد الله
انا متأسفة تأخرت عليكم بس اهو كل تاخير وفي خير
كتبت كمية كبيرة وحاجة عجبتكم
على فكره الست نرجس دى شكلها مش مضبوط كده
أيه صحيح أنت شكلك حلو دى
يالا ربنايستر على الشباب المكافح ده للأخر
في القلب
والله انت بنت شاطرة وجدعة
تابعي معايا وانت تعرفي نرجس حكايتهااي
هو فاكر الناس ما بتفكرش كسل أو عدم إهتمام أو لا مبالاه.. لكن نصهم ما بيفكرش لما لقى التفكير حايجيبله جنان
فكري كده في مرتبات المصريين في مصر
الشاب اللي واقعله على شغلانة سقع آخره تقريبا 350 جنيه
لو متجوز وعايش في شقه هو و مراته بس و لسة ما خلفوش يبقى بيخلصوهم بالعاااافية بعد 20 يوم
ده كده من غير لحمة و فراخ كل اسبوع
يادوب الكهربا و المية و شهرية البواب و شوية أكل يكفوهم فطار و عشا إنما الغدا فبيت أمها أو أمه
لو قعد فكر في الفلوس اللي قبضها أول الشهر حايتجن.. حايعجز بدري
عشان كده مبيفكروش
وربنا ممشيها
أما صاحبة المحل فكرتني بصاحبة الصيدلية اللي ايمان صاحبتي كانت بتشتغل فيها
كانت لا تقل عنها في أي شيء بل ألذ و أجمل وأكتر رقة و عذوبة كمان
:)
هو إنت إزاي و إنت في عمان بتخلّي مصر توحشني؟؟؟؟
مستنية خروجه كريم و سرمد مع الناس اللي قال عليهم سرمد
لما نشوف رأي سي كريم فيهم حايكون ايه؟
:)
أنا حبيتهم على فكرة شوفيلك حل و طلّعيهملي حقيقيين
:(
ماليش دعوة
:)
هنودة يا قلبي
انا مصر بتجري في دمي
انت نسيتي
هههههههه
يعني لو رحت الصين اقدر اوصفهالك حتة حتة
يعني مش قوي
هههههه
بخصوص انهم حقيقين
مش عارفة حدور عليهم واقولك لو لقيتهم
سلام يا جميل
Lemonada
..
جميل ظهور شخصية نرجس
وتعاملها الحاد معه من البداية
أظن أنها ستشغل الأحداث أكثر
..
Hannoda
معك حق
الوضع في مصر مميت لأي شاب
..
أتابع بمحبة
أحييك
طبعا عجبني ياعزيزتي امال انا بجي هنا ليه
وليه بقلك متابع
انا تقريبا كل يومين اجي اشوف في جديد ولا لاء
تحياتي
حلو البوست ده قوي يا ليمو
انا اول مرة تقريبا صحيح ادخل المدونة دي
بس انشاء الله هتبقى زياراتي هنا دايمة
تحياتي ليكى
هممممم
نرجس هتحب كريم او هتبقى عايزاه
كريم هيحب اميره واللي هي هتبقى خايفه تحبه
صفاء هتحب سرمد واللي هو منفض للحب عشان عايز يعمل حاجه او يكون نفسه
هيحصل صدام بين كريم وسرمد لان كريم كان شايف سرمد متفائل شوية لكن نظريته دي فيها شيء من التشاؤم
هتحصل حاجه .. مصيبه او كارثه
واعتقد ان السبب فيها هيكون نرجس
ملحوظه صغننه
انا عارف ان كتابه روايه على هيئة حلقات شيء صعب جدا جدا خصوصا لو كانت قصه احداثها وبدايتها مشوقه كده
ونصيحه ليكي .. اكتبي القصه على هيئة حلقات وكل حلقه مكونه من مجموعة نقط .. ولما تبقى عايزه تنزلي حلقه في المدونه ابقى افردي النقط اللي في الحلقه اللي عايزه تنزليها .. دي هتسهلك الموضوع قوي
منتظر بفارغ من الصبر باقي احداث القصه
سلاموووووووووز
Post a Comment