عارف يا سرمد مع اني مش بحب التحف والحجات دي
حشتغل
المهم اشتغل
يا عم الجو مقرف
والصيف...... البنات مش بترحم خالص
لازم اعمل حاجة مفيدة لنفسي
لو مشتغلتش
حصيع زي كل سنة
وانا بصراحة قرفت من الموضوع دة
والبنت تفضل لازقة ولا عندها اي مشاكل انك بتصدها
تقرفك
وكمان الشباب
حاجة يا عم اي دة
يجو بس عشان يتسلو ويقرفوك ويستغلو طيبتك
كل الي عاوزينو هدوم وفلوس
عارف حاجة
انا مامتي حتتجنن
كل مرة تيجي مش بتلاقي الهدوم في الدولاب
تسئلني رحت فين فيهم
اقولها فلان اخدهم بس حيرجعهم
تشخط فيا وتزعق
بس عارف كلامها كل صح
مفيش حد برجع حاجة
يلا يا عم انا متأسف قرفت معايا
---------------------
بكرة الصبح الساعة سابعة بالتمام نلتقي عند شعبولا المكوجي
تكون جاهز
ماينفعش نتأخر يا كريم، دا مكان الزباين متعودين يلاقو مفتوح في أوقات معينة
ماشي يا كريم
ماشي يا سرمد
--------------
الساعة السابعة بالتمام
صوت خارج من البلكونة
يا شعبولا يلا بقى فين القميص المربعات الازرق والابيض
بسرعة والنبي انت بتعمل اي كل دة
من تحت البلكونة صوت عالي بينده
يا كريم اي المواعيد دي
يلا بقى الست المجنونة صاحبة المحل لو ملاقتنش فاتحين حتعمل يومنا طينة
ينزل كريم بسرعة على الدرج ويأخذ القميص من شعبولا
خلاص يا عم متشكر
يخرب عقلك انت نازل تلبس القميص في نص الشارع
يا مجنون يا كريم
يلا بقى
14 comments:
السلام عليكم
ايه ده ايه ده يا بت
لا دية مش قصة دية مسلسل جميل خالص خالص
ربنا يحميك
عاجبني تلقائيتك كالعادة
سردك الي مفهوش تصنع
بسيط وبيجسم الاحداث
انا اتخيلت الشخصيات
جمييييييييييييييييل
مستني 7
أنا تهت منّك في في الأول
كل مرة تيجي مش بتلاقي الهدوم في الدولاب
الكلام ده على مامته... طيب بتيجي منين؟؟
وحاجات تانية حسستني إني فيه حاجة واقعة منّي
فرجعت للبوست اللي قبله(عند أميرة و صفاء) مع إني متأكده إن الحكاية مش عندهم.. بس قلت يمكن أنا اللي مركّزتش
فرجعت لشعور غريب 4.. وهناك الرؤية إتضحت
بس أنا بصراحة... إستمتعت على الآخر
إسلوبك جميل و سهل .. خلاني أدخل في مود الحكاية
وعندي توقع مستية أشوفه حايطلع صح ولاّ ايه
على فكرة كان واضح قوي إن كريم متربّي برة مصر من عدم خبرته بحكاية سلف الهدوم اللي ما بترجعش و كمان من كلمة(مامتي) أكيد لو كان إتربى في مصر كان قالها أمي
عارفة.. فعلا بيكون فيه هجوم شديد على الشباب اللي إتربى بره لما يرجعوا ويدخلوا الكلية
التقليس عليهم بيبقى للصبح.. رغم إن ممكن قوي يكون اللي بيقلّس شاب مطلّع روح أهله من الشرب و المصاريف والمصايب اليومية.. وفي الأخر يجي يقلس على الرجولة الضايعة فـ (مامتك وغيرها)
أنا رغيت
بس أصلي كل ما بتعجبني حاجة قوي و تستدرج عقلي للإندماج في التفكير ..برغي بشكل فظيييع
تحياتي
:)
ناني
متشكرة يا جميلة
--------------
عادل
مبسوطة جدا انك بدأت تتخيل الشخصيات
يا رب تعجبك دايما شعور غريب
------------
هنودة
يا اجمل اسكندرانية في العالم كلو
بجد ببقى قد اي مبسوطة لما تيجي
واي بتكتبي وتعبري براحة
يا عم اكتبي الي انت عايزا وارغي زي مانت عايزة
خللللللليك زيييييي ما انت
ميلودي تتحدى الملل
هههههه
إلى الأمام يا ليمو
تقدم مستمر
وكتابة حلوة
ازيك يا عزب
اخبارك اي
على فكرة مستنية روايتك الجديدة
هو انت وصلت فيها لحد فين!؟
متشكرة لدعمك ومتابعتك
تحياتي
اديني متابع
معاكي ياليموناده
اسلوب كلامك جميل اوي وبيشد الواحد
احكي واحنا معاكي
تحياتي ليكي
محمد سمير
sendbad
على فكرة كل مااكون مش عارفة اكتب اي وحتكون القصة عاملة اي بقول في نفسي عندك ناس مستنية ومتابعة وخصوصا سندباد
لازم تحاولي تركزي وتكتبي باسلوب جميل وماتتأخريش عليهم
شكرا لمتابعتك
محمد غمض عينيك
متشكرةجدا على الكلام الجميل
وان شاء الله تكون متابع من البداية
أحسن حاجة إنك جبت سيرة شعبولا
شعبولا دا بطل قومي يا ليمونة
(:
متشكر
..
كتابة جميلة مشوقة يا عزيزتي
أتابع معك
شعور غريب
باهتمام وترقب
في انتظار ما سيأتي في قوس قزحك
بالمناسبة، جميلة صورة الواجهة
..
سندباد
عارف ان حطيت حاجة لشعبولا عشان حضرتك بس صعب يكون في حاجة رئيسية في الي بكتبو
بس اهو بيكون حولينا
هههههه
_____________________
منورني والله يا استاذ عشري
متشكرة
بس بجد انا بحب حد يقولي اي الصح واي الاغلاط الي بعملها
فبلاش كويس وجميل والحجات دي
افضل قول انو كويس وجميل
بس لو في حاجة مش صحيحة في الكتابة ابعت وقولي
تحياتي واحترامي
ليموناضة
نسيت بخصوص الصورة
دي عينيك الحلوة
ههههه
لو عاوزها ابعتلك الصورة
هو لسة كريم نازل علي السلم وبيلبس القميص دة طول قوي هو ونازل
قصدي اتاخرتي بالجديد
:)
بقولك حاولي تظبطي مدونتك وشيلي الصورة الي فوق دي بتاخد وقت في التحميل وبتعمل بطء للصفحة خليها خفيفة
وبعدين انا بحب طريقة كتابتك متتاخريش واديني خبر لو نزلتي حاجة
:)
Post a Comment